豚組 (已結業)

上次朋友連同太座一齊嚟，感覺唔錯，今次就三枝公嚟，侍應俾個二人餐牌，一個 $ 368 另一個 $ 598 ，我哋梗係選個平啦，至在吹水嘛。而家仲有生啤任飲 2 粒 鍾 88 皮，三個嗱嗱淋 Order，個二人餐算多嘢食，我最鍾意吉列蝦大大隻，不過唔夠分，另外叫多隻明太子燒大蝦，吉列蠔始終是我至愛，套餐都有刺身，甜蝦都幾大隻鮮甜,有一點藉得讚嘅係不停為我加酒, 另外個女侍應介紹我哋食燒洋蔥都好甜。一轉眼就二個鐘，我哋一人飲咗 5 杯,都算回本，牛舌都唔錯,最後仲有兩個汁燒豚肉飯,非常滿足,埋單時送咗個免費會藉比我朋友話下次有 9 折。