野川拉麵 (已結業)

在三號波下出外覓食！見雨勢不大就盡快入野川食野！一入座冇耐就狂風大雨！咁我都算好彩！野川最最最好食嘅同芝士一定有關！本人三年前一試芝士地獄湯底就返唔到轉頭！一試傾心！lunch有set供應！而芝士地獄湯只配海鮮！如果其他配料轉湯底就加5蚊！之前就成日食海鮮因為呢個原因！今日就轉一轉叫吉列豬扒拉麵轉芝士地獄湯底！麵未黎就先黎個沙律！個沙律夠凍生菜配沙律醬好開胃！另外飲品除左冰紅茶唔使額外加錢其他都要加！不過反而覺得冰紅茶都ok所以唔加錢！好啦！到主菜吉列豬扒芝士地獄湯拉麵！一上落個陣芝味已經蹼鼻！一黎咩都唔講飲啖芝地湯先！真係半芝士半辣嘅狀態！個湯真係會飲上癮！而且出奇同拉麵夾！麵份量都好多！男人食都應該夠飽！試完湯就試豬扒！豬扒反而一般！雖然炸得好脆好香口但皮肉分離得好緊要而且豬扒冇兩啖肉！所以下次會點其他再轉芝地湯底！總括黎講！野川拉麵算係唔係正宗拉麵界嘅奇芭！佢個芝士地獄湯真係獨一無二全港只此一家！好味到返唔到轉頭呀！