影片
更多
2018-03-29
88 瀏覽
是日收工跑到長沙灣監督新屋裝修進度，完事後覺得肚空空，因為岩岩搬黎呢邊，唔知有咩好食就上開飯研究研究，見呢邊唔係火鍋就係茶記，唯獨呢間車仔麵店掛串燒賣湯麵，個名仲要走日本型格風就決定試下佢。位置都幾偏，係蘇屋邨對面，平時坐巴士見親蘇屋都想問係邊，今日終於知答案。一入到去打左個特，七點九都黎一個人都無，心諗難度又係一個伏？！但都入左去無理由咁樣衰走反出黎架嘛，好啦，就叫左碗牛腩+羅白+油麵，盛惠$23，係你無睇錯23蚊。中學過後，都已經無再見過有23蚊一碗兩餸麵食！諗住平野實係無好野，但平野真係有驚喜～兩餸一麵：羅白：好甜，真係清甜個種，唔係加料加糖水煮個種假甜，完全無渣，！牛腩：要改善下，一係呢個餸就加價，買啲好少少牛腩，或者改變煮法，肉質好韌，唔入味，同埋啲肉上台已經好散，講真一望到有少少影響左食慾。辣汁：唔錯，叫中辣真係有中辣既程度，我都叫食得辣都食到出哂汗，不錯不錯。腩汁：同尖沙咀銅鑼灣啲名牌車仔麵店比都咬到下手瓜，最正係台面樽蝦油，真係成間鋪靈魂，本身個湯未加前都好夠味，但手癢加一小匙結果成碗麵變到勁香蝦味，香！麵底：我個碗係油麵，麵質正正常常，老婆個碗就幼麵，但佢話太稔，所以
位置都幾偏，係蘇屋邨對面，平時坐巴士見親蘇屋都想問係邊，今日終於知答案。一入到去打左個特，七點九都黎一個人都無，心諗難度又係一個伏？！但都入左去無理由咁樣衰走反出黎架嘛，好啦，就叫左碗牛腩+羅白+油麵，盛惠$23，係你無睇錯23蚊。中學過後，都已經無再見過有23蚊一碗兩餸麵食！諗住平野實係無好野，但平野真係有驚喜～
兩餸一麵：
羅白：好甜，真係清甜個種，唔係加料加糖水煮個種假甜，完全無渣，！
牛腩：要改善下，一係呢個餸就加價，買啲好少少牛腩，或者改變煮法，肉質好韌，唔入味，同埋啲肉上台已經好散，講真一望到有少少影響左食慾。
辣汁：唔錯，叫中辣真係有中辣既程度，我都叫食得辣都食到出哂汗，不錯不錯。
腩汁：同尖沙咀銅鑼灣啲名牌車仔麵店比都咬到下手瓜，最正係台面樽蝦油，真係成間鋪靈魂，本身個湯未加前都好夠味，但手癢加一小匙結果成碗麵變到勁香蝦味，香！
麵底：我個碗係油麵，麵質正正常常，老婆個碗就幼麵，但佢話太稔，所以叫既朋友可能要叫佢煮硬身啲，因為隻麵望落都幾幼，但兩碗都好足料，份量男人食都夠，女人可能會覺得有啲多，補多句：真係抵食。
黎到呢度，無理由唔食串燒，但我同老婆食完麵都幾飽，但都叫左雞軟骨同牛舌，老闆個爸爸就叫我地試埋扇貝同帶子，話好正，但因為太飽都係放棄。。下次試下先
串燒：
牛舌：軟硬岩岩好，無出血水，表面夠乾身，咬入去又有少少汁，同時調味落得幾好，唔會太咸又夠香。
雞軟骨：一上黎，熱辣辣食左啖，好鬼香口，又夠脆，味道好好，配啤酒一流。不過放凍左，調味會有少少變苦味，但整體都係好食。
講完食物，真係想講係呢間野裝修，出面講真食車仔麵好多時都污污曹曹，圓台十幾張，又逼又窄，相反靜係放幾張木台，幾張高身吧台，燈光又有少少昏暗環境咁，唔知真係以為係入左日本居酒屋咁款，真係無諗過屋邨附近都有間咁高質既車仔麵店，係而家呢啲租又貴，物質又高既情況下，仲有老闆願意以咁宜人既價錢同高質既食物質素去經營，真係值得一讚，所以老婆都話將三郎例入我地長期飯票之一，為本地企業打打氣。希望三郎頂到呢個巨輪
$23
22 瀏覽
0 讚好
0 留言
串燒
$20
18 瀏覽
0 讚好
0 留言
張貼
