影片
更多
2019-09-21
216 瀏覽
今日好有興致同朋友上左山頂，坐住登山纜車悠悠閒咁，但係可惜我地唔記得食左野先上，唯有去山頂食餐好既啦～我同朋友都係好鍾意食肉，特別係牛肉既人，兩個見到間寫住「Steak」字既就走左過去間鋪要行上樓梯，樓梯口光鮮亮麗，而且木製的裝潢特別有簡樸的感覺，整體俾我地舒適既FEEL上到去餐廳既空間感好大，座位同座位之隔都有少少距離，真係食野同傾計既好地方我同朋友想試多D其他野食，所以就咁叫左一個Lunch Set首先上左兩個牛角包餐包，第一次見到隔離係放住溶左既牛油，牛角包送上黎仲係暖笠笠，內面十分鬆軟，仲有得繼續添加！之後就送上白酒忌廉汁煮澳洲藍青口，除左平時見開既蒜之外，青口仲加入左青甜既番茄，鮮味搭鮮味，每口青口都清甜可口，咬落仲有汁慢慢滲出跟住就上主菜，美國特級西冷、日本飯配照燒汁，原本無咩留意到個配搭就揀選左西冷，啖啖牛味加上剛剛好既五成熟，當然西冷依然無令我地失望，而隔離既三色椒、番茄、洋蔥等既配料亦都好清甜，甜味加酸味好適合配飯，配上牛肉都令人感到新鮮最後上一杯甜品，咖啡凍堤拉米蘇，食過都不感陌生，不過呢杯既做法就同出面唔同，正宗堤拉米蘇，搭配酒浸蛋糕，唔同層次既味道都在口中散發，
今日好有興致同朋友上左山頂，坐住登山纜車悠悠閒咁，但係可惜我地唔記得食左野先上，唯有去山頂食餐好既啦～我同朋友都係好鍾意食肉，特別係牛肉既人，兩個見到間寫住「Steak」字既就走左過去
間鋪要行上樓梯，樓梯口光鮮亮麗，而且木製的裝潢特別有簡樸的感覺，整體俾我地舒適既FEEL
上到去餐廳既空間感好大，座位同座位之隔都有少少距離，真係食野同傾計既好地方
我同朋友想試多D其他野食，所以就咁叫左一個Lunch Set
首先上左兩個牛角包餐包，第一次見到隔離係放住溶左既牛油，牛角包送上黎仲係暖笠笠，內面十分鬆軟，仲有得繼續添加！
之後就送上白酒忌廉汁煮澳洲藍青口，除左平時見開既蒜之外，青口仲加入左青甜既番茄，
鮮味搭鮮味，每口青口都清甜可口，咬落仲有汁慢慢滲出
跟住就上主菜，美國特級西冷、日本飯配照燒汁，
原本無咩留意到個配搭就揀選左西冷，啖啖牛味加上剛剛好既五成熟，當然西冷依然無令我地失望，而隔離既三色椒、番茄、洋蔥等既配料亦都好清甜，甜味加酸味好適合配飯，配上牛肉都令人感到新鮮
最後上一杯甜品，咖啡凍堤拉米蘇，食過都不感陌生，不過呢杯既做法就同出面唔同，正宗堤拉米蘇，搭配酒浸蛋糕，唔同層次既味道都在口中散發，作為今日午餐既終結。
張貼
