九份•十分 (已結業)

呢日去到上水探我外婆， 記得上次探完之後都有你呢間餐廳度食晚飯， 今次再同屋企人嚟呢度食晚飯， 呢度嘅裝修有啲似火車站， 餐枱嘅活動空間都比較大。芒果軟殼蟹紙米卷呢個紙米卷嘅size比平時食開嘅紙米卷大， 軟殼蟹應該係即叫即炸， 食嘅時候仲有暖， 芒果夠甜， 紫米比夠薄同煙韌。鹽酥三兄弟鹽酥三兄弟有鹽酥雞軟骨魷魚鬚和雞髀菇， 炸物都炸得夠酥脆， 檯面上有多款調味粉 ，可因喜好來調味。台南杏鮑菇烏醋豬手煲豬手炆得夠淋夠入味， 醬汁有烏醋嘅酸味， 可以中和返豬手嘅肥膩感， 而杏鮑菇都索曬醬汁嘅味道。蝦頭油蟹籽炒飯炒飯炒得夠鑊氣， 粒粒分明， 炒飯有蝦頭油嘅咸香味。宜蘭車站火腩大鱔煲呢度嘅煲仔菜都有大排檔嘅風味， 鱔嘅肉質夠爽嫩， 火腩嘅鹹味將個醬汁嘅味道提升。蜜薯安格斯牛柳粒蜜薯係用咗原粒嘅蕃薯仔嚟做， 番薯仔本身夠甜， 牛柳粒夠淋，用咗黑椒嚟炒， 夠惹味。