榮光粉麵小廚

營業中

休息中

同屋企人去上水食飯，上水的確人流好旺，多咗好多新餐廳。特登為咗個花膠湯嚟食呢間餐廳！鎮店小炒王$108 絕對對得住呢個價錢，因為好足料，新鮮魷魚鬚，脆蝦乾，新鮮蝦菜脯粒，炒得好夠鑊氣。金沙蝦球$118蝦球大大粒，每一粒蝦都包住鹹蛋黃，外脆蝦肉彈牙又多汁。脆皮炸乳鴿$68一隻真係唔夠食，所以要點兩隻，味道啱啱好，唔會太咸。欖菜肉鬆炒飯$58有老人家，都要叫啲飯，有飯氣。炒飯粒粒分明，而且好有鑊氣。客家黃酒煮雞$98剛剛秋風起，飲雞酒暖暖身。雞件又滑又彈牙。花膠雞煲翅一位$68 重頭戲，真係好重骨膠原，有大大件花膠，每一啖湯都非常之香濃。整餐飯都係非常之滿意。家人已經想下一次再嚟呢度食團年飯，因為有包廳，而且冇最低消費。價錢平民又高質。