一家

營業中

休息中

今日拜完年，朋友就帶我去筲箕灣好出名嘅米芝蓮餐廳食中餐。小籠包皮夠薄，內餡多汁豐腴，咬開時會有鮮美的肉汁傾出，湯汁仲好鮮甜。上海脆皮素鵝唔講我以為我食緊真嘅脆皮鵝，素鵝表皮酥脆，內裡細嫩，非常有驚喜。一家蔥油白切雞呢碟餸係由店員推介我哋，果然冇介紹錯。雞肉好嫩滑，最正就係啲蔥油，香氣撲鼻，簡直係我至愛。東坡肉拌麵呢個係新年嘅菜式，真係可遇不可求！東坡肉集合香、濃、厚於一身，肉質酥嫩，肥而不膩，醬汁濃郁。而麵條吸飽了東坡肉的醬香，真係令人好滿足。炸芝麻團甜品揀咗炸芝麻團，外脆內軟，入面有留心芝麻醬，咬開時餡料流出，甜而不膩。另外呢度啲茶飲都好特別，唔會話好似嗰啲傳統中式餐廳只有中國茶飲。朋友揀咗滋潤養生茶，每日新鮮製造。我就飲咗呢杯叫做扭擰妹頭，超多醬爆珠珠，而味道就有助減卻油膩感。