樂天皇朝薈萃

營業中

休息中

放假同阿女留港消費，去咗啟德AIRSIDE行街食飯，今晚預咗食上海菜，所以去咗商場嘅樂天皇朝薈萃，餐廳裝潢高雅，地方寬躺，招呼週到，提供精緻創新的南北點心、拉麵、小籠包及經典中國八大菜系佳餚，深受食客喜愛。開放式廚房見到廚師製作包點。食物新鮮現做極受歡迎。入座後即送上香茶和小食，茶壼更用小火熱住，保持溫度，小食係炆花生和栗子，食落非常入味又夠林。雲吞雞非常足料，用上自製的雲吞及鮮雞湯，湯底加左金華火腿熬製，味道特別鮮甜，自家製的雲吞餡料新鮮，正宗皮薄餡鮮，半隻雞份量十足，雞肉亦好鮮嫩，小棠菜脆綠，沾滿湯汁非常鮮甜。蟹粉鍋貼：生煎後外皮軟糯卻又帶有煎香的酥脆口感，肉餡配上黃金蟹粉更顯餡香湯鮮。上海炒飯：炒飯粒粒分明又夠鑊氣，上枱已經聞到香噴噴，食落啖啖都有醬油香味，配料有新鮮爽口嘅蝦仁、 肉粒、菜粒等,味道同口感都一流。