京香閣 (已結業)

年尾公司食團年飯，今年好特別，訂左上環京香閣食高級京菜自助餐。日式自助餐食得多，京菜第一次食。餐廳座位寬敞舒適。設有自助區，有京式片皮鴨和多達四十款正宗京川菜式任食，多款飲料任飲。每位送一份蟲草花花膠雞湯：用料十足，採用原隻厚身花膠，有豐富的骨膠原，配以靚雞燉煮，湯底濃郁鮮甜，十分滋補，花膠厚身有口感，蟲草花爽口。加拿大龍蝦半隻，多種食法中，我選擇芝士焗，龍蝦新鮮，肉質鮮甜，芝士汁惹味！京式片皮鴨：以地道做法而成，皮脆肉嫩，油香滿溢，自家製餅皮特薄，口感煙韌，配青瓜、京蔥、京醬，香口又惹味。另有多款小食、小菜、麵食等選擇，如翡翠炒蝦仁、大千雞、XO醬炒螺片、東坡肉、乾煸四季豆、糟溜魚片、話梅骨、上海粗炒、上海菜飯等，享盡美食！尤其是東坡肉，入口鬆化有即落口感，香甜的配料味渗入五花肉，香氣撲鼻，肉鮮味美。翡翠炒蝦仁，鮮甜爽口。還有點心和甜品，可以寫用點心紙落單。小籠包即叫即蒸，皮薄餡鮮。甜品有雷沙湯丸，細細粒，一口一粒，芝麻味香濃。高力豆沙，外軟内甜，豆沙餡飽滿。雪糕脆麻花，雪糕滑溜味甜，脆麻花脆口。