江浙滬 (堪富利士道) (已結業)

香港一向都有好好上海菜館，今日經開尖沙咀，就去一間知名既江蘇菜館一飽口福。餐廳佈置好友中國風！呢間餐館食物選擇好多，花多眼亂，如果有選擇困難既人可以叫經理介紹岩口味既野食。前菜方面 我地叫左一個四喜烤夫同埋煙薰糖醋魚。鍾意食腐皮制品既我就覺得個烤夫好好食，有啲五香味，好入味。煙薰糖醋魚方面就酸酸甜甜唔多骨，仲脆脆地，用來做開胃菜一流。之後再叫左一個香蔥海蜇。海蜇脆口彈牙，而且好重油香味，鍾意食冷盤既人士不容錯過。上海菜又點少得口水雞，佢既味道唔算好濃，辣辣地但係好惹味，雞肉亦都好鮮嫩。最後係秋風起既季節都叫左一龍蟹粉小龍飽，蟹粉味香濃，而且肉汁鮮甜，一口一件岩岩好。蒜蓉上湯菜心都好林，唔錯水準。甜品就叫左白糖糕，好有驚喜，平時白糖糕會有酸味，佢地整到無酸味之餘而且鬆軟，真心好食。