樂天皇朝 (青衣城1)

營業中

休息中

好耐冇食上海嘢，突然想食小籠包就去咗樂天皇朝🤤水準都不錯，小籠包皮薄肉汁多，溫度啱啱好，一定唔會失望，自己一個都可以食6粒😆今次試多個話梅元蹄，醬汁酸酸甜甜，仲有一粒粒話梅伴碟，好開胃，一解元蹄皮既油膩，仲好夾。元蹄好大舊，皮厚肉多，充滿骨膠原，好黏口。肉質嫩滑，一d 都唔柴。蔥油拌麵既麵質彈牙，仲好掛汁，蔥油味香濃，加上乾蔥增加口感，真係一口接一口。配埋清雞湯，清一清味蕾，好滿足😌最後加個蒜蓉炒菠菜，鮮甜冇渣，唔會太油，份量食食下都唔少，總括都好滿足。