上海佬飯店 (已結業)

上海飯店午市套餐，提供唔同嘅一般家常菜配以菜飯選擇。價錢適中合理。當日同朋友一齊嚟食，所以揀咗兩個餸一齊share。第一個揀咗麻婆豆腐。麻婆豆腐醬汁普通，係豆瓣醬嘅味道，豆腐唔算滑，係一般嘅布包豆腐嘅口感。用麻婆豆腐嘅醬汁用嚟下飯，感覺尚可。第二個送揀咗炒鱔糊，炒鱔糊裏面嘅鱔條比一般嘅粗大，而且硬身，但係味道醬汁偏淡。同想像中嘅鱔糊有一定嘅距離。鱔糊配上好多嘅芽菜，但係芽菜同醬汁嘅味道都係普普通通。跟餐可選擇白飯同菜飯，當日就選咗菜飯，味道正常。飲品方面就可選擇豆漿。