老爹

營業中

休息中

8點鐘夜晚搵飯醫肚，行過見到餐牌ok就上去食。平日8點幾，餐廳得2成入座率，我哋都求醫肚無所謂。用qr code手機落單，套餐有野飲。裝修都有投入資源，食物性價比好，平均70就一個套餐，相信係打工仔飯堂好地方。青咖哩豬頸肉意粉，夠飽肚，意粉就一般嗰啲粗身意粉質地，豬頸肉都煎得夠香。龍利柳燒汁意粉，魚肉都煎得夠香，味道唔會有太雪藏味。餐肉蕃茄直通粉，厚切餐肉夠過癮，味道酸甜夠平均，通粉掛汁唔會太乾身。