餃掂手工餃子雲吞專門店

位於上環嘅餃掂手工餃子雲吞專門店，以精緻手工打造嘅餃子聞名。餐廳環境舒適，令食客感受家的溫馨~龍鳳松茸煎雙餃係必試之選，內餡加入黑白松露，香氣好撲鼻。煎餃外皮金黃酥脆，但又唔會太油膩，保持咗內餡嘅鮮味。雖然價錢比其他餃子高少少，但松露嘅豐富用量，呢個價錢都絕對值得。韭菜豬肉餃同樣出色，韭菜新鮮嫩綠，與豬肉完美結合，味道濃郁，令人食完仲想再食～同樣都係煎餃外皮同樣都係好酥脆，亦令內餡保持到juicy四川涼皮係一大驚喜，涼皮大塊且掛滿濃郁醬汁，口感軟滑，麻香辛辣嘅調味恰到好處飲品方面，蜂蜜檸檬薏米水提供咗清新滋潤嘅感覺，去濕效果佳，係膳食嘅完美配搭總結一下，餃掂用料好講究，份量亦都好大方，$80內可以係中上環食到咁豐富，性價比高，值得Encore~