影片
更多
2024-01-09
13 瀏覽
最近見到依間餐廳做緊Promo, $488有11件廚師發辦級壽司🍣（仲有前菜、手卷、湯、甜品）就走去試試，無諗過會扺到咁！ 座落系上環市政大廈附近嘅地鋪、又近地鐵站，門口亦有泊車位。本身不嬲都做開omakase，坐落去都有其他顧客食緊omakase，自己可以用較抵食嘅價錢去享用，真心正，其實平時食omakase最enjoy都系壽司！前菜/沙律🥗：正常操作，唔頹茶碗蒸：個鰹魚湯味道剛好，滑，清甜壽司🍣/可以自選亦可廚師發辦，我就按自己口味揀，回想就其實唔想煩畀佢安排可能更時令1/ 海紅鯛 （赤鯛）愛嬡縣特別嘅「膠原鯛」系特別養殖方法食更多膠原蛋白嘅魚，google睇返比一般鯛魚貴好多，食落的確肉更實更彈牙。2/ 魷魚 配竹炭鹽、青檸汁，自己鐘意食魷魚，師傅都切得好靚，亦非常新鮮3/ 深海池魚 爽口，池魚有一種獨特嘅魚味，我自己就好喜歡4/ 赤貝非常新鮮！爽口、放上台師傅特登畀力，赤貝仲會有啲郁動，神經仲有啲反應，鮮甜，貝味重5/ 銀鱈魚 魚味濃嘅深海魚，熟嘅食得多，刺身都系第一次，配上醃蘿蔔同䓤，魚味香濃6/馬糞赤海膽來自北海道赤（橙）海膽味道鮮甜唔苦、算系馬糞海膽中嘅上品7/ 中拖羅
座落系上環市政大廈附近嘅地鋪、又近地鐵站，門口亦有泊車位。
本身不嬲都做開omakase，坐落去都有其他顧客食緊omakase，自己可以用較抵食嘅價錢去享用，真心正，其實平時食omakase最enjoy都系壽司！
前菜/
沙律🥗：正常操作，唔頹
茶碗蒸：個鰹魚湯味道剛好，滑，清甜
壽司🍣/
可以自選亦可廚師發辦，我就按自己口味揀，回想就其實唔想煩畀佢安排可能更時令
1/ 海紅鯛 （赤鯛）
愛嬡縣特別嘅「膠原鯛」系特別養殖方法食更多膠原蛋白嘅魚，google睇返比一般鯛魚貴好多，食落的確肉更實更彈牙。
2/ 魷魚
配竹炭鹽、青檸汁，自己鐘意食魷魚，師傅都切得好靚，亦非常新鮮
3/ 深海池魚
爽口，池魚有一種獨特嘅魚味，我自己就好喜歡
4/ 赤貝
非常新鮮！爽口、放上台師傅特登畀力，赤貝仲會有啲郁動，神經仲有啲反應，鮮甜，貝味重
5/ 銀鱈魚
魚味濃嘅深海魚，熟嘅食得多，刺身都系第一次，配上醃蘿蔔同䓤，魚味香濃
6/馬糞赤海膽
來自北海道赤（橙）海膽
味道鮮甜唔苦、算系馬糞海膽中嘅上品
7/ 中拖羅
三重縣出品吞拿魚，油脂豐富又有魚味，入口油脂即溶，依個價錢黎講真系不得了
8/鯖魚
是日最愛！ 都系濃味魚，配上青䓤、磨過嘅芝麻、生薑蓉，魚味極豐富而又一啲都唔腥
9/ 大拖羅
食到腦天位，罕有！炙燒過，配萬能䓤，燒過將油脂香特出同時減低油膩感，又一扺食之選
10/ 赤身
又一吞拿魚，醬油漬，魚味重而鮮
11/ 梭子魚
又名竹籤魚，炙燒得好香，又一濃味魚
最後一道 䓤香吞拿魚蓉手卷，份量極足
食飽仲有面豉湯，加幾好食嘅開心果雪糕，十分滿足的一餐！
張貼
