影片
更多
2024-05-26
307 瀏覽
放假同家人4個人去上環搵特色中菜試下聽聞呢間係英國China Town好出名燒味：要左兩款例牌泰國櫻桃鴨～由泰國的盤谷牧場直接入口，以上等穀物飼養，絕對無注入激素及抗生素。食落比其他燒鴨無咁油膩，皮嫰肉滑，配埋秘製醬汁，齒頰留香。文興叉燒王～採用肥瘦適中既梅頭豬肉，肉厚得嚟脂肪分佈均勻。夾起會發覺肉身令立立，但一d都唔肥，會食到黑椒味，去除油膩感，特登嚟食呢份叉燒都值得。是日燉湯～熱辣辣好足料，有猴頭菇、雞腳、螺頭、瑤柱、瘦肉、雞件，鮮味出晒嚟～推介菜式：小食：日本胡麻拌茄子～茄子唔會太腍，加埋胡麻醬好開胃。主菜：芥末脆蝦球～呢個好有驚喜，粉薄炸到好脆，入面既蝦好飽滿，爽口彈牙～加埋芥末醬好惹味。除左蝦球仲有荔枝，車厘番茄，青瓜，菠蘿，士多啤梨等配粒，非常清新既組合。沙地蘆菔燒牛肉～人氣手工菜式平時好少見，清甜蘿蔔釀入牛肋肉炆煮，加埋惹味醬汁～唔錯唔錯飯：文興招牌炒飯～呢個飯係第二驚喜～砂鍋上令人好期待，用料十足，有花膠、蝦乾、瑤柱、鮮魷，每口都充滿海鮮味直擊味蕾。最後仲有甜品～煙韌椰汁卷，一上枱已經好香椰汁味，呢個口感出面都未食過。環境舒適座位唔擠迫，晏晝嚟講都算多人，侍應們都非常有
聽聞呢間係英國China Town好出名
燒味：要左兩款例牌
泰國櫻桃鴨～由泰國的盤谷牧場直接入口，以上等穀物飼養，絕對無注入激素及抗生素。食落比其他燒鴨無咁油膩，皮嫰肉滑，配埋秘製醬汁，齒頰留香。
文興叉燒王～採用肥瘦適中既梅頭豬肉，肉厚得嚟脂肪分佈均勻。夾起會發覺肉身令立立，但一d都唔肥，會食到黑椒味，去除油膩感，特登嚟食呢份叉燒都值得。
是日燉湯～熱辣辣好足料，有猴頭菇、雞腳、螺頭、瑤柱、瘦肉、雞件，鮮味出晒嚟～
推介菜式：
小食：日本胡麻拌茄子～茄子唔會太腍，加埋胡麻醬好開胃。
主菜：
芥末脆蝦球～呢個好有驚喜，粉薄炸到好脆，入面既蝦好飽滿，爽口彈牙～加埋芥末醬好惹味。除左蝦球仲有荔枝，車厘番茄，青瓜，菠蘿，士多啤梨等配粒，非常清新既組合。
沙地蘆菔燒牛肉～人氣手工菜式平時好少見，清甜蘿蔔釀入牛肋肉炆煮，加埋惹味醬汁～唔錯唔錯
飯：
文興招牌炒飯～呢個飯係第二驚喜～砂鍋上令人好期待，用料十足，有花膠、蝦乾、瑤柱、鮮魷，每口都充滿海鮮味直擊味蕾。
最後仲有甜品～煙韌椰汁卷，一上枱已經好香椰汁味，呢個口感出面都未食過。
環境舒適座位唔擠迫，晏晝嚟講都算多人，侍應們都非常有禮貌～下次可以再嚟試埋其他菜式。
張貼
