興旺廚房

營業中

休息中

今日同同事出街去上環處理完工事，要趕返番公司做返Daily嘢。沿路經過興旺廚房，就買咗兩盒兩餸飯返公司食，食完就嗱嗱臨開工。鹹蛋蒸肉餅：鹹蛋好香，唔會太乾。肉餅係半肥瘦嘅，都好軟熟。苦瓜炒蛋：苦瓜唔會太熟太腍，同埋唔算好苦，係淡淡嘅甘味。雞蛋唔會過老。雲耳蟲草花蒸雞：蟲草花幾香，雲耳同埋雞都好滑。雞件都幾大件。清炒菜心：想食健康啲嗌埋個清炒菜心。菜心炒得幾爽。佢呢度座位可供堂食。亦都有水吧可以叫奶茶咖啡嗰啲。份量都好足。