鮨政

營業中

休息中

星期四嘅晚餐要好好慰勞自己🥸，又期待嚟緊嘅週末，所以我哋決定食好啲！特意光顧上環人氣嘅日本壽司店「鮨政」🍣。全日本人師傅同新鮮食材令餐點更出眾，我地特別鍾意乾淨明亮嘅環境，坐係吧檯可以睇到師傅握壽司，三兩知己聚會亦可以坐卡位👯‍♀️。餐廳每月設有限定優惠，11月優惠係Follow餐廳社交平台即送一客御手洗糰子🍡。————————————————👅 壽司拼盤特上（$580）👍🏻 包括大吞魚腩、油甘魚腩、三文魚腩、深海池魚、中吞拿魚腩、醋鯖魚鯛魚、鰻魚、帶子、玉子、海膽、三文魚子各一件及葱吞拿魚腩細卷六件👍🏻食材比較高級名貴，每件壽司色澤紋路分布均勻，拼湊出彩虹般色彩🌈，係視覺同味覺嘅享受。大吞魚腩入口即化，油香四溢；大理石般嘅油甘魚腩肉厚肥嫩🐟；海膽味道甘甜，質感細膩；晶瑩剔透嘅三文魚子一咬即破，味道鮮美👅 壽司拼盤（$480）👍🏻包括三文魚、吞拿魚、甜蝦、油甘魚、鯛魚、帶子、蔥吞拿魚腩各兩件及三文魚腩細卷六件👍🏻經典壽司組合，每款壽司都好新鮮🌊，碩大嘅甜蝦比普通甜蝦大一半，鮮甜度更出色，飽滿嘅帶子厚度十足🐚，絕對令人滿意！👅鰤魚兩貫（$65）👍🏻 係時令嘅壽司推薦中挑選鰤魚🍁，品嚐到彈牙