生記粥品專家

營業中

休息中

係中環覆診完就醒起必要去上環生記食嘢！同老公散步去到時巳是2:30休閒時段，但都坐滿八成客。當然先各自叫了腩蔔河和腩粗嘆番吓先，一放底碗河粉即刻食啖久違的湯底先啦，再食嗦滿湯汁又爽的大大嚿蘿蔔啦！之後先再細嚼半肥瘦的牛腩，好嘢放在最後食！食完河粉後點可以唔追加哩度至正嘅魚腩魚骨豬潤粥。是關細細個第一欢見到隔離啲食客食得好滋味，從此就愛上了。食魚粥最特別係多個兜用來放骨，另一小碗內有薑絲葱豉油已感覺到又識食又招積的豪氣，如果一個人來就食唔到又粉又粥。滿滿的粥內放咗成七八嚿魚腩，鱼骨及魚鰭仲有四件啱啱熟的豬潤，成碗粥嘅賣相香噴噴兼滿到瀉，難為啲阿姐雙手可以傳到咁熱嘅粥到客人面前！因老公怕哽骨所以啲魚大部份是我享用，真係得益不少，佢就十分欣賞嗰軟綿綿又好味嘅粥底了。啲魚係剛剛熟，師傅控制時間非常到家，是關剛放低碗粥時啲魚肉係剛熟好嫩滑。如果怕過火就要將魚肉放到另一碗中，反之放在粥肉仲可以靠熱力在食客食其它料的時間將魚肉再煮熟啲。通常識食魚粥的食客都會點啲豉油連埋啲薑絲細味品嚐每一件魚骨魚腩。就算我以前大熱天時都唔會怕熱照食粥，因為唔知下次又要隔幾耐才番來，個肚又唔夠試其它嘢。所以首選點都係食