影片
更多
2020-12-30
2737 瀏覽
另一半生日撞正晚市禁堂食🙈🙈咁岩係openrice搵到呢間係上環一間酒店頂樓既鐵板燒餐廳，另一半同我都一直未試過鐵板燒，就決定book位試下☺️我哋嗌左兩個一人set share，每一個set會有：沙律👉🏻主菜(海鮮/肉類)👉🏻炒飯👉🏻炒雜菜👉🏻麵豉湯👉🏻雪糕，見到都覺得飽😂而廚師知道我哋share黎食之後，好窩心地每一樣食物都幫我哋分咗兩份咁上😛————————————👨🏻🍳午市一人前 - 松(配美國牛肉薄燒) $250👨🏻🍳 (8/10)呢個set主菜有銀鱈魚、帶子同牛肉薄燒。牛肉薄燒好有驚喜！廚師先喺鐵板上面炒咗一堆香蔥同蒜頭碎粒，再用煎好既牛肉包住碎粒上，食落牛肉嫩得黎仲食到蔥蒜既爽口，係好特別既口感同味道😝帶子肉質嫩得黎唔點醬都好鮮味🙌🏻魚就相對比較普通～👨🏻🍳午市一人前 - 梅(配美國牛肉厚燒) $390👨🏻🍳 (8/10)另外呢個set有鮑魚、大蝦同牛肉厚燒，呢個厚燒冇薄燒咁特別但係牛肉味比起黎更濃～肉質亦好嫩，係唔同既路線👍🏻飽魚同大蝦亦食得出好新鮮好爽口，滿意☺️其實食完主菜已經有少少飽👶🏻之後炒飯同炒雜菜都食唔曬，分量真係好多🌸最後廚師仲煎左個焦糖多士比我哋配雪
我哋嗌左兩個一人set share，每一個set會有：沙律👉🏻主菜(海鮮/肉類)👉🏻炒飯👉🏻炒雜菜👉🏻麵豉湯👉🏻雪糕，見到都覺得飽😂而廚師知道我哋share黎食之後，好窩心地每一樣食物都幫我哋分咗兩份咁上😛
————————————
👨🏻🍳午市一人前 - 松(配美國牛肉薄燒) $250👨🏻🍳 (8/10)
呢個set主菜有銀鱈魚、帶子同牛肉薄燒。牛肉薄燒好有驚喜！廚師先喺鐵板上面炒咗一堆香蔥同蒜頭碎粒，再用煎好既牛肉包住碎粒上，食落牛肉嫩得黎仲食到蔥蒜既爽口，係好特別既口感同味道😝帶子肉質嫩得黎唔點醬都好鮮味🙌🏻魚就相對比較普通～
👨🏻🍳午市一人前 - 梅(配美國牛肉厚燒) $390👨🏻🍳 (8/10)
另外呢個set有鮑魚、大蝦同牛肉厚燒，呢個厚燒冇薄燒咁特別但係牛肉味比起黎更濃～肉質亦好嫩，係唔同既路線👍🏻飽魚同大蝦亦食得出好新鮮好爽口，滿意☺️
其實食完主菜已經有少少飽👶🏻之後炒飯同炒雜菜都食唔曬，分量真係好多🌸最後廚師仲煎左個焦糖多士比我哋配雪糕食，呢個結尾好滿足☺️☺️
初嘗試鐵板燒，有得望住廚師係前面煮，又有得同廚師交流真係幾特別😋雖然野食冇話食到嘩嘩聲，但係整體食物質素同服務質素都算高👍🏻午市價位又低d又冇咁多人，大家食得多omakase都可以黎試下鐵板燒☺️☺️
———————
😋味道：8/10
🤵🏻服務：8.5/10
💰抵食：7.5/10
⏳排隊時間：0分鐘
張貼
