京香閣 (已結業)

最近留意到網上宣傳，上環有間酒樓做緊京菜放題，晚市二百幾蚊任飲任食，有多款京菜仲有片皮鴨😋咁抵食，收工約埋幾個同事一齊過嚟試吓。京香閣位於上環港鐵站附近嘅無限極廣場，地點非常方便。二百幾蚊位，除咗有多款京菜任食，仲按人頭贈送砂鍋花膠雞湯同埋原隻鮑魚花菇一份🥳花菇鮑魚腍身入味。花膠湯真材實料，每碗仲有一片厚厚花膠👍🏻酒樓中間位置設有北京片皮鴨專區，有專人即切片皮鴨，仲有各式配料自助，有京蔥/紅蘿蔔絲/青瓜絲同京醬。片皮鴨外皮香脆，油香十足，鴨肉juicy嫩滑，唔會太油膩。服務員切得非常快手，唔洗等好耐就拎到👍🏻酒樓中間位置放有幾張長枱，放滿各式各樣嘅京菜，仲有新鮮沙律菜🥗京菜頭盤包括鎮江肴肉，油炆筍，醉翁蝦，花雕醉雞，刀拍青瓜，脆皮素鵝，涼拌小茄子......平時好鐘意食呢啲涼菜，但人少少叫唔得幾多，呢到啱哂我，放哂出嚟，每款試啲大滿足🥳熱食方面亦有各款蔬菜肉食，炒粉麵飯，全部嘅味道都好有水準，而且食物仲refill都好快👍🏻剔剔紙可以揀點心同甜品，每樣份量少少，可以試多啲唔同嘅款式👍🏻