Poking

上環雖然係發展咗好耐嘅舊區，不過近年都開咗好多新派食店😎呢間Poking就係主打最近好流行嘅Poke Bowl，啱晒追求美味、健康於一身嘅年輕人🥳餐牌有幾款Signature bowls！除咗以上幾款固定嘅口味，仲可以自由組合飯底、餸菜🤣最欣賞佢哋喺飯底嘅選擇，有壽司飯、糙米飯、沙律菜揀，仲可以好彈性咁雙拼添😯例如係一半糙米飯，另一半係沙律菜，可以一次過食齊晒兩款😄Thai Good Day呢一碗嘅主角係雞扒、鮮蝦、菠蘿🤓配上甘筍、中華沙律等等配料，走熱帶清新路線，味道清爽開胃😋Creamy Baby新鮮嘅三文魚魚生切粒，加入豆腐、牛油果、魚籽🤩醬汁係芥辣沙律醬，健康得嚟又飽肚！材料舖得好滿，份量俾得好足😱重點係大部分食材都好有營養，啱晒我嘅飲食習慣😎