Poking

今日同老公去左上環兆成行探店，探完就開始肚餓。見到對面有間小店就順道探埋。😋😋入到去坐低發現原來係行健康路線，啱哂我老公！成日話減肥但係仲係咁食。結果就一人嗌左一個飯。😝老公叫左creamy baby，一放上枱就知絕無欺場，勁多三文魚同木魚碎，望到嘩一聲。三文魚同牛油果好夾，再加啲芥末蟹籽，幫成個飯加添味道層次。佢仲有啲青瓜粒同豆腐，成個飯嘅口感極豐富！老公再配左個奶茶高蛋白飲品，一嚟滿足下佢奶茶癮，二嚟又比一般奶茶健康，一舉兩得！🤩我就叫左個自選，要左呑拿魚，蒽，蟹柳同椰菜花，配原辣醬油。佢一嚟到嘅擺盤又係好吸引，呑拿魚完全無根配上蒽同醬油真係一絕。魚嘅份量又夠多，絕對唔係得幾粒嘅gimmick嘢。我就咁叫左個熱檸水送下，係見到檸檬片，唔係用檸檬汁開，值得一讚。呢次探店十分成功，又探到香油又探到食物。如果下次去開附近都會再去食！