龍味館

營業中

休息中

上環市區中隱藏咗一間高質中菜，係2018年米芝蓮指南餐廳。食物唔錯，而且裝潢型格高級，服務態度非常之好，值得一試。宮廷酒爵暖胃湯以磨砂玻璃嘅小壺盛裝，飲緊果陣又真係覺得有宮廷feel，好高貴。魚躍龍味館一品頭拼青芥末海蜇頭｜香橙白玉蝴蝶｜桂花蜜餞鮮冬菇前菜擺盤精美，十分開胃，特別喜歡辣辣哋嘅海蜇頭同有桂花香氣嘅冬菇。夏威夷果蘆筍炒鮮菌蘆筍新鮮爽口，加入夏威夷果仁呢個配搭幾得意，完全無違和感。黑松露和牛鬆炒飯炒飯粒粒分別，牛肉切小粒，飯香撲鼻。甜品紅粉玉露呢個甜品係凍嘅，主要食材係石榴，係當季時令糖水。