影片
更多
2024-08-06
226 瀏覽
第一道上嘅就係三款唔同嘅前菜，呢個Chefs Platter嘅擺盤非常之精緻，素春卷炸得乾爽唔油膩，裏面嘅餡加入咗好多種唔同嘅蔬菜，都幾健康，蜜汁排骨就大大嚿，香香甜甜邪惡得黎係幾好食，不過要講最鍾意都係佢嘅芝麻蝦多士，蝦肉好爽彈，而炸麵包嘅部份就酥脆到不得了。.而佢哋嘅海鮮羹裏面就落重咗瑤柱，仲有好多豆腐粒，清清潤潤咁，每一啖都有食到料。.蒜蓉粉絲蒸扇貝火候控制得幾好，扇貝固然鮮甜,不過最鍾意都係索咗鮮甜味同埋蒜蓉味嘅粉絲，而帶子都好厚身，一人一粒，有d意猶未盡。.棒棒吉列蝦掛包成個配搭都幾得意好似中西合璧咁，蝦餅係佢哋自己打嘅好彈牙，包就幾香軟，不錯。.主菜係楓樹蜜橙香燒春雞，雞肉肉質幾嫩，雖然係春雞，但都大隻，鹹鹹香香加埋個重蛋香嘅炒飯，食完都幾飽幾滿足。.最後個甜品就酸酸甜甜，食得出一層層唔同嘅味道，幾開胃。.1908bc British Chinese 上環文咸東街22-26號柏廷坊5樓
.
而佢哋嘅海鮮羹裏面就落重咗瑤柱，仲有好多豆腐粒，清清潤潤咁，每一啖都有食到料。
.
蒜蓉粉絲蒸扇貝火候控制得幾好，扇貝固然鮮甜,不過最鍾意都係索咗鮮甜味同埋蒜蓉味嘅粉絲，而帶子都好厚身，一人一粒，有d意猶未盡。
.
棒棒吉列蝦掛包成個配搭都幾得意好似中西合璧咁，蝦餅係佢哋自己打嘅好彈牙，包就幾香軟，不錯。
.
主菜係楓樹蜜橙香燒春雞，雞肉肉質幾嫩，雖然係春雞，但都大隻，鹹鹹香香加埋個重蛋香嘅炒飯，食完都幾飽幾滿足。
.
最後個甜品就酸酸甜甜，食得出一層層唔同嘅味道，幾開胃。
.
1908bc British Chinese
上環文咸東街22-26號柏廷坊5樓
張貼
