天寶鐵板燒 (已搬遷) 新店位置

係上環返工返左幾年，周圍的餐廳基本上都食過今次想食好d，就上OpenRice睇下上環有咩好野食啦，就比我發現到依間鐵板燒平時經過依間酒店門口都冇諗過上面係有餐廳，真係隱秘叫左個有龍蝦既套餐龍蝦係新鮮喺隔離個魚缸度撈出嚟，上鐵板嘅時候仲係生龍活虎，講起來都真係有啲殘忍，難怪有君子遠疱廚之說師傅拎咗個龍蝦俾我哋影完相之後就開刀了，三兩下功夫就整左道餸龍蝦肉好爽脆鮮甜，調味剛剛好，呢個作為第一道菜真係令人眼晴發光，好期待之後既餸煎鵝肝充滿又香嘅鵝肝其實點整都好食配埋麵包中和油膩感，口感味道剛剛好，喜歡炒牛粒可能之前兩度餸都太出色，令人回味無窮所以相比之下依個炒牛粒不太突出冇好香濃既牛味，普普通通不過不失啦原來我哋叫的龍蝦係兩食，剩低既龍蝦殻用黎熬湯，鮮甜！由於lunch time得一個鐘，Andy Lau 師傅好盡力咁快快手幫我地出菜，辛苦晒佢啦最後上埋個炒飯同龍蝦湯，最尾送球雪糕，完滿！(雖然最後都飽到食唔落個炒飯要打包)總結，間唔中想食好嘢可以嚟依到，talkative的師傅，舒適嘅環境，新鮮嘅海鮮，造就滿足的一餐！