冒喜 (柏廷坊)

營業中

休息中

成日覺得中上環嗰邊嘅餐廳一定好貴，好少會喺嗰邊食飯，最近去開嗰邊發現原來有間食冒菜嘅餐廳，價錢實惠得黎環境又高級又靚！座位直程好似食緊omakase咁！-🥢吉祥套餐$66呢個套餐可以仼揀6個餸，另外仲有主食，小食等揀。葷素菜既選擇都好多，一共起碼3️⃣0️⃣款選擇，我揀左潮汕手搥牛肉丸、潮汕蒜香墨魚丸、蟹柳、炸支竹、土豆片同貴州丁家脆哨，另外加左個土豆粉。份量真係超級多，大大碗上到黎好香既蒜蓉味同麻辣味😋 湯底都有由辣到酸辣到唔辣揀，我揀左重慶麻辣小辣。佢哋既辣度唔會太辣啱啱好，身材都好吸到湯汁，食落好惹味😍牛肉丸嘅肉味好重，一啖落去爆晒汁，墨魚丸都好彈牙仲有淡淡蒜香味！仲有佢哋嘅招牌貴州丁家脆哨，食落有啲似豬油渣咁，好脆口😍😍🥢秘製滕椒魚皮魚皮又爽又彈牙，配埋藤椒辣汁，麻麻辣辣嘅感覺好過癮！🥢洛神花山楂蘋果🥢酸梅青檸烏龍茶兩杯都係店舖自家製嘅特飲，酸酸甜甜開胃得來又解到辣😍🥢桂花蜜烏梅冰粉每次食冒菜都要嗌返個冰粉收尾先夠喉🤣食完啲比較濃味嘅嘢食，食返碗冰粉就啱啱好，甜甜地嘅桂花蜜配埋酸味味嘅烏梅，恰到好處好解膩！