蘇杭冰室

營業中

休息中

今日同同事食lunch，就去左食佢地一直想試既冰室😏😏小店既人手夠同出菜速度都算有效率，佢地會係你等緊既時候就幫你落左單先，所以午飯時間唔駛等太耐就入得去🥳🥳🥳環境方面，座位之間都唔算太迫，都算幾好👍🏻👍🏻我就叫左個招牌炒蛋瑞士汁撈面配雞脾，仲加左五蚊轉芝士炒蛋🍳🍳🧀🧀撈面既份量係充足既，而雞脾都幾大隻同多肉🍗🍗🍗值得一讚既係佢好夠瑞士汁，每條麵條都掛滿左汁，唔會食到乾爭爭😉😉但略嫌瑞士汁唔太夠濃味🤨🤨雖然雞脾肉質算嫰滑，但就唔太鹵得入味，失色左少少😔😔芝士炒蛋就真係大失望😞雖然都有拉絲既芝士同埋炒得夠滑，但就無咩芝士味😭😭所以可以唔需要加錢轉💸💸整體而言，成個撈面都係好食既😛😛而同事就叫左個滑蛋叉燒飯，以價錢黎講，呢個飯就絕對性價比高😎😎一上枱就可以見到滑蛋鋪滿左大件既叉燒同好香既薑蔥😃😃食落去都覺得個蛋好滑溜，蔥油味十足🥴🥴被滑蛋包裹既白飯亦早已落左豉油調味，真心好味😋😋搞到我都唔小心偷食左好多🤓🤓以上環食lunch黎講，呢間小店都算幾好，服務態度都好有禮貌，只係繁忙時間都會有少少催你埋單，但語氣係友好既😊😊上環番工既朋友可以一試😉😉