江蘇銘悅

營業中

休息中

中菜館位於上環地鐵站隔離，位置非常便利👍🏻環境高級甚有氣派，另餐具精緻，店員亦好好服侍，宴客或商務飯局絕不失禮👍🏻🔸午市套餐（$338/位）.🥢淮揚三小碟店員建議由淡至濃味開始食，陳醋香肉有醋香但不會過酸，肉質有口感；海鹽流心蛋配加入海鹽及魚子醬同食，以減輕流心蛋黃膩感；甜梅酒醉雞雞肉嫩滑，充滿酒香而不苦。🥢金腿雲吞雞湯湯頭濃厚，雞味濃郁，亦有金華火腿嘅咸香。雲吞皮薄餡靚，雞件烹調時間剛好，雞肉滑而不老。🥢河蝦仁雞頭米雞頭米即新鮮茨實，有彈性及咬口，味道清甜，配河蝦仁實屬健康之選。🥢京燒鱈魚片鱈魚片有魚鮮味但唔腥，醬汁微酸微辣，頗為開胃。🥢金盞牛柳粒鍋巴卷鍋巴脆而不硬，牛柳粒切到細細粒，口感柔軟肉味濃郁，兩樣加埋十分之夾。🥢黑白蒜上湯浸時蔬上湯清甜，食完一道濃味菜式後，可以清一清味蕾。🥢招牌小籠包小龍包皮十分薄，可以清楚見到內裡有一大啖肉湯，另肉湯十分濃香。🥢是日甜品甜品係合桃糊芝麻湯丸，質感濃厚，另配細細粒薄皮芝麻湯丸。