江蘇銘悅

營業中

休息中

江蘇銘悅係一間高質中菜廳，主打正宗江浙菜，佈置同餐具都好靚好特別，碗碗碟碟都好似一幅山水畫咁，呢度環境舒適，我地叫左商務套餐 兩位起 每位$498，我哋一邊食一邊吹水飲茶，一坐就坐咗兩個鐘🤣三小碟既前菜分別係雙色鎮江肴肉、蔥油海哲頭、魚子醬海鹽糖心燻蛋；晶瑩剔透既肴肉加浙醋整成既啫喱，口感Q彈，酸甜既醋味好夠，唔使再額外點醋食，好開胃；撈左香葱油既海蜇頭好香好彈牙；而個糖心燻蛋個煙熏味真係好濃，加埋上面嘅魚子醬同海鹽，得半隻真係唔多夠喉🤭雲南真菌螺頭老雞燉湯呢個湯好足料，有雞肉有瑤柱，勁鮮甜，滋補得黎飲完仲可以暖身，啱晒而家冬天飲宮保海虎蝦球海虎蝦球大大粒啖啖肉，好彈牙，仲要掛滿晒醬汁，少少微辣，惹味得嚟，又啱晒我呢啲唔食得太辣嘅人百葉子櫻桃肉入口即溶嘅五花肉，肥瘦均勻，平時唔食肥肉嘅我，都成嚿食晒🤣太邪惡啦😝配搭反百葉食，可中和反個邪惡感🤭海苔酥脆魚片魚片一條骨都冇啖啖肉，魚肉好滑，個炸皮好薄好脆乾煸四季豆加埋肉碎香料一齊炒，四季豆爽口入味招牌小籠包個皮好薄，裏面爆多肉汁，食既時候要小心啊🤭精選甜品今日係椰汁芋頭紫米露，竟然有我最愛嘅甜品😍🤤芋頭切到細細粒，加埋紫米，口感層次好豐富，