Friday Cafe & Wine Bar

營業中

休息中

上環呢間Cafe & Bar，一入去已經見到好大個酒櫃陳列，擺放住形形色色既酒類飲品出售，而另一面牆上面就擺設左以歐美風既時尚設計，仲有好多唔同Marvel figure，睇得出裝修好有心思，係一間岩哂打卡既小店💛 輪到食物方面，餐牌上主要以西式食物為主，例如all day breakfast、意粉，沙律等，再配上各款精美咖啡、其他特色飲品～ 今次點選既白酒忌廉蜆肉意粉，蜆肉非常足料，配上香濃既白酒，開胃又好味😋 而雞肉沙律亦相當大份飽肚，雞肉唔會乾身而且嫩口～ 最後咖啡同飲品方面，由於咖啡師傅放大假，好出名既3D coffee暫時無得供應，但點左凍玫瑰咖啡，味道香甜可口，而綠茶沙冰亦同樣清甜解渴，凍飲都好大杯～ 總結整體CP值都好高，成個用餐體驗都好滿意，會再去幫襯支持！