鮨政

營業中

休息中

🏮上環鮨政🐻鮨政係2017年係上環開業，由日籍師傅主理，連發哥都幫襯過，今晚特地慕名而來食餐飯。🐻鮨政裝修簡單明亮，餐牌除左有板前Omakase外，仲有前菜，壽司，刺身，炸物等多款食物，今晚胃口不算太好，決定單點幾款過下口癮。🐻前菜㘠點了清酒煮蛤同明太子玉子燒，店員介紹食蛤肉前先飲碗湯，湯汁入口清甜淡淡酒味，蛤肉鮮甜飽滿，剛好打開味蕾。明太子玉子燒，滑嫩蛋卷包住咸香明太子，不禁想叫杯酒飲下。🐻刺身拼盤二人前，有六款刺身，包括深海池魚，吞拿魚，油甘魚，牡丹蝦，日子帶子同三文魚腩，每款師傅都厚切奉上，份量十足，鮮甜，清爽，肥美，各有不同。🐻最後以鰻魚飯作結，鰻魚入口感受到肥美，口感軟糯，濃烈既醬汁配蛋絲珍珠米，絕對係香港人喜愛的味道。🐻坐到尾聲，店員介紹Follow 鮨政 社交平台可以送一客甜品，仲會不定期更換，今個月係黃豆粉蕨餅，口感煙靭，甜而不膩，食完甜品剛剛好，就埋單歸家。