鮨處松戶 (彩星集團大廈)

營業中

休息中

一上到黎去到入座，職員就已經好好禮貌啦!!所以第一印象都好好! 首先會有前菜，係關東煮黎，幾好食紅酒浸蕃茄本身怕浸過酒會苦，但食落係甜甜地的，好入味。而且佢蕃茄底放左塊橙，估唔到咁吸味，蕃茄食落都有少少橙香味，好特別，好開胃! 蕃茄沙律椰菜好爽口，再配埋海帶絲既咸味，沙律汁唔洗好重手已經好夠味，係一款比較輕盈既沙律。胡麻豆腐一開始我以為係淋左芝麻醬既豆腐，但原來係佢本身件豆腐已經有胡麻味! 第一次食呢個，好喜歡，再配上海膽同埋三文魚籽，有多重口感。雜錦剌身有吞拿魚、油甘魚、三文魚、帶子、牡丹蝦、海膽，都係厚切，食落仲好新鮮，海膽都好甜。福岡牛腸鍋第一次食牛腸鍋，完全冇內藏味，口感 Q 彈，湯頭好清甜。肥美鮮嫩既牛腸、加上煮到軟嫩的韭菜、椰菜，好岩冬天食! 不得不提呢個燒鱔，看似簡單但好好食，醬汁調味岩岩好，魚肉彈牙，唔怪得店員提醒我地要襯熱食!!