通記海鮮野味酒家 (已結業)

週末同D朋友出海遊船河，返西貢之後自自然然就o黎o左呢度開飯。我地7點半去到，門口已經企o左好多人。我地有三圍檯，通記都肯俾晒成個閣樓我地；環境尚算清靜，又有電視睇，幾舒服。一班人，叫o左鹽水雞腳，白灼蝦，鮑魚仔，奶油龍蝦，薑蔥炒蟹，清蒸海上鮮等等。味道都唔錯，起碼炒o野夠鑊氣；招呼都幾殷勤，成日都o黎幫我地添茶。不過上菜真係超超超慢～我地足足食到差不多十點幾，拍得住去飲咁耐。埋單每人都係兩舊水，都幾抵食。當晚所見，除本地客之外仲有幾多自由行，而佢地寫菜之豪亦令我地嘩然。亦難怪我地上菜上得咁慢，我地張單比起佢地梗係濕濕碎lor～