Hungry Korean (已結業)

又到午飯時間，新城市廣場星期一至日都係咁多人，連帶沙田站樓上連城都一樣爆！最怕等位嘅我一直都避開個邊，點知係同事介紹下，原來下午茶時段連城係無乜人嘅！星期一至五先有嘅下午茶，都叫幾抵食，有麵有飯有飯卷選擇都係40蚊左右，不過吾包飲品！有需要可加多7大洋叫杯飲品。今日就試左鐵板甜雞飯，用鐵板上係勁熱，上到枱仲會彈油個隻，餸又大碟，甜甜地，會食辣可拎枝辣醬，更惹味！白飯OK大碗，下午茶都可以吃飽飽了！推薦！午飯又一食堂！