玖子茶 (如心廣場二期)

營業中

休息中

第一次幫襯呢間舖頭，見下午茶幾抵食，一於就試吓2:00入到舖頭，其實舖頭都多空枱，但侍應表示要搭枱，咁我一個人，都唔想阻住人哋做生意，都冇乜所謂之後原來餐廳要掃code落單，不過呢個code有啲問題，load咗好耐都唔得，仲試過落單失敗，結果系統顯示我落咗兩次單，我即時同侍應講，叫佢幫我處理返點知，侍應同我講佢唔識講廣東話，OK Fine，我可以轉做普通話同你溝通，btw 我唔係歧視，但點解可以完全唔識廣東話…..好啦，我以為侍應幫我處理咗，另外侍應出餐嘅時候，食物照係Double出，另一個侍應仲質疑返我，大聲咁講:點解你一個人食兩個餐？我當然覺得感受好差，點解佢唔會諗會唔會去餐廳或者公司系統有啲問題先，反而直接怪責個客…如是者，我解釋返比佢聽，件事終於圓滿解決咗。不過之後有其他客人入座，侍應都係繼續唔好嘅態度對其他客人，雖然食物質素OK，但服務質素有啲參差。另外，講下食物方面，咖哋多士好似一早整定，所以送到餐黎時，完全唔脆同唔熱，好似食緊乾爭爭既多士咁。