玖子茶 (如心廣場二期)

營業中

休息中

週末冇嘢做，想搵個遠啲嘅地方搭遠d車Hea吓時間，來到荃灣西如心廣場二期，有一間富有新咖坡牛車水色彩嘅餐廳叫玖子茶 Teh Jiuzi ；彷彿去返上世紀20年代的獅城華人飯居。佢哋有個食物選擇十分多嘅$199二人餐，有三類食物選擇，其中C類可以點兩款小食，仲要係星期一至日都可以嗌。我今次揀咗例牌份量嘅招牌星馬雞，其實A類仲有另外九款選擇。砂煲肉骨茶同泰式火山骨齋睇餐牌賣相都非常之吸引夾大份。B 類我點左泰式風味海鱸魚。如果鍾意食多啲青菜嘅朋友，其實可以指點下馬拉盞炒時令菜。晚上七點十分入到去餐廳大概有六成滿，坐多20分鐘成間鋪差不多都坐滿晒人。的確現今香港人十分重視性價比，人均$100嘅晚餐而又可以食得飽，佢哋真係喺食物選擇體面同份量兩個要求上滿足得到食客嘅需要。C 類我就嗌左馬拉蝦餅拼魚餅同埋沙嗲雞肉，兩種食物都係啖啖肉，而且有比小食更多一點的份量。 另外如果係飲品都係加$10，椰汁紅豆冰同凍桔仔話梅水比散嗌平左分別$13及$10，個杯仲要係差唔多有四百幾毫升，解渴之餘兼且襟飲。佢嘅經營有啲似而家方間中式嘅菜館同時有京川滬菜嘅混合，雖則話係主打星加坡菜，但係都有泰國同馬來娘惹嘅食品選

今天去了荃灣工作吃飯，海南雞飯，不錯，其他食物都尚可。但飲料就比大馬飲品，重甜很多，最差是衛生，另外員工態度，超級惡劣，全部像外省人，又一間像請了不懂廣東語員工，態度惡劣的食肆。

以前都會不時食吓喱間，因為幾抵食。近兩三個月不順路過來沒有吃，今天終於有時間再黎。食番海南雞飯，可惜已經質素不如從前。雞肉是爽到sok sok聲咁，肉質好奇怪，又完全冇味，吾知佢啲咩我食。油飯也不如幾個月前的味道，又乾又硬，差左。今日樓面姐姐有兩人在咳，不停咳咳咳，一邊上菜一邊咳，都吾好話吾驚。仲有個後生仔樓面係度同呢兩位病了的店員打鬧，笑佢地係度咳，然後自己係度扮咳，又多一個人向啲食物咳。吾會再黎。難怪星期五晚餐也只有一半人客。

岩岩係荃灣某餐廳食嘢見到水吧果位姐姐用完個攪拌羹攪完之後直接放落自己個口😱🥴🤮好似試味咁再放返落去個容器度之後就見到佢再倒咗啲似係煉奶落去再攪個容器裝嘅液體我係睇住佢直接倒落我哋食客嗰啲杯嗰度再放出黎出餐的雖然平時啲餐廳睇唔到可能喺裏面好多都會係咁不過親眼見到完嗰下真係即刻都唔想飲自己杯嘢飲極度嘔心諗返起自己飲嗰杯嘢都係飲緊佢嘅口水真係極度唔衛生本身已經覺得侍應嘅服務都冇乜禮貌只係因為嘢食都可以所以間唔中都會嚟食吓但係經過今次自己嘅親眼所見咁核突嘅情景真係有咗陰影以後都唔會再嚟食！！👎🏻😑

忙左成個星期，終於可以同老婆仔囡食個晏就再行街。老婆話想食肉骨茶於是黎左如心玖子茶，內部裝修特別好似去左街頭大排檔食野甘相當熱鬧。我知你啦薄餅，香脆好吃蔥香燒肉煎蛋飯大大杯芒果綠茶脆炸雞扒醬香肉燥飯砂煲肉骨茶配白飯，當歸藥材味香濃豆卜金菇好吸味肉容易撕開離骨。

玖子茶 (荃灣)📍荃灣大河道98號如心廣場二期2樓214號舖下午茶餐🔷招牌星馬雞米 跟咖央多士 $39雞肉超級嫩滑配左醬油、辣醬、薑蔥點醬一流👍🏻👍🏻湯底簡左雞湯好好味🤤7.7/10跟餐有咖央多士烘底💕💕甜度偏高好彩咖央醬份量適中🥰🥰🥰7.6/10🔶鴨胸肉躁飯 $45鴨胸肉偏瘦雖然偏柴但係咁油膩肉燥肥瘦適中白飯份量勁多加飯都吾洗錢大胃王恩物7.4/10🔷香蔥薄餅跟咖喱汁 $12薄餅蔥味好香烘到表面好脆咖喱汁偏甜同薄餅好夾🔶藥膳菜心 $12藥膳汁吾算好濃菜心份量多味道正常性價比高7.4/10

嗌咗個下午茶喇沙河粉 個湯底都幾唔掂完全唔覺得係喇沙，但係有種好濃好濁嘅口味跟住河粉都強差人意 唔係滑既爽既 係 粉既 仲有啲碎勉強食咗半碗未講個魚蛋魚蛋係完完全全有少少彈都無 咬落係散散地 唔知佢浸左幾耐呢間嘢嘅質素真係忽上忽落唔知係咪因為假期呢總之我覺得就算下午茶佢咁嘅口味都唔值得呢個價另外佢嗰個奶茶都冇乜特別都唔知佢同普通唔係太好飲嘅港式奶茶有咩分別 可能係難飲啲 又係有啲粉粉地嘅感覺全部食咗一餐好頹hea 嘅餐早知係樓下食敏華啦，起碼人哋係即刻起公仔麵個稔度都控制得好好嘢飲仲唔使另加錢有啲後悔過咗嚟食呢間 quota又嘥咗以後要少之又少地幫襯

係如心廣場2期6點前趕到下午茶😎有粉有飯又有邪惡西多士揀 全部$40-50好抵食 裝修幾靚 扮星馬熟食中心入面都好多位 坐得幾舒服越式雞絲扎肉粉麵+咖映多士2件 ($45)揀左油麵 叻沙湯 走芫茜雞絲唔係好多 冇咩特別 扎肉有兩塊都係正正常常 另外有豆卜 油麵都正常個叻沙湯唔係好辣 不過都偏油另外兩大件咖咉多 咖咉醬唔係認知嘅味道😂甜甜地 又唔係唔好食嘅入面有埋牛油就會好啲 唔夠邪惡😂招牌星馬雞配油飯&雞湯 ($49)D雞都算滑 雞髀位 湯都有雞味油飯好大碗 整體呢個價錢已經好好凍美綠 (跟餐+$5）係馬來西亞嘅味道 好香濃應該係用左牛奶沖 好飲👍🏻

難得收5點，即刻嘆個下午茶，呢度下午茶去到好晏成18:00，而且份量唔惹少，每人叫一個餐，已經可以當晚餐，難怪入座率有成八成啦！🥢招牌星馬雞米粉+咖央多士 $49 + A類熱檸茶 $3，另加炸蝦餅 $12 ⭐️⭐️⭐️⭐️湯底可揀清湯或叻沙，我驚太辣就揀咗清湯，味道唔濃郁比較清淡，雞份量出乎意外地多，無骨無雪味算嫩滑，配任何一個醬都ok，咖央多士有兩大件，咖央醬搽滿整塊多士，非常慷慨。另外貪心嘅我加$12叫咗兩件蝦餅，食得到有蝦味但係我前所未見過嘅薄，忍唔住要同大家分享下😆。一人共消費：$64

服務員一點禮貌也沒有！客人用餐時正拿筷子，服務員突然收走筷子筒，不好意思也不說一聲，還瞪着客人，簡直是一間不知所謂的餐廳，怪不得得越來越少人幫襯！香港嘅餐飲業真是要感謝提供好此服務的店員！！

平日晚上去咗荃灣如心廣場嘅玖子茶食晚餐。我地大約7點左右去到，餐廳都幾滿座，要等陣先有位。餐廳整體裝修幾有格調，帶點馬來西亞風，而且座位都幾寬敞，坐得幾舒服。餐廳主打星馬菜，亦都有提供一般煲仔小菜等，選擇都幾豐富。🔻招牌星馬雞配白飯及時令雞湯味道：8/10價錢：$63叫咗餐廳招牌嘅星馬雞，我地加錢轉咗食雞髀位，雞皮表面味道香，雞肉都嫩滑美味，另外可以點點旁邊個薑油同黑醬油更惹味。跟餐仲會有碗白飯同雞湯，雞湯味道幾濃。🔻蘿蔔牛腩煲味道：8.5/10價錢：$77蘿蔔牛腩煲份量十足，接近係2人份量，店員細心提醒我地個唔好掂到個熱辣辣嘅煲。牛腩炆得夠入味，肥瘦均勻，幾軟淋，而蘿蔔同樣惹味。套餐包咗一碗飯，我就加錢轉咗油飯，油飯幾香雞油味，味道不錯。另外跟餐加錢可以有杯凍飲，今次我就揀咗凍檸水。🔻藥膳浸菜味道：8/10價錢：$29藥材味幾濃厚，菜心新鮮爽口。

玖子茶 (如心廣場二期)荃灣大河道98號如心廣場二期2樓214號舖一段時間冇嚟荃灣搵食，今日同朋友收工時間嚟咗呢間位於如心廣場嘅玖子茶食吓馬拉嘢，估唔到商場舖都有CP值高嘅餐廳！今次我哋嗌咗個二人餐（HKD199)當中包括：- 海南雞飯🐔係小編嘅最愛，呢一間嘅雞肉份量適中，肉質嫩滑唔會柴口。經典嘅三色醬🟡🟤🔴亦都令雞肉增添層次而且送飯一流！- 雞肉沙嗲串燒🍢，外皮燒到微微焦脆而內裏唔會過熟，配搭上濃郁嘅沙嗲醬，好好食😋😋- 雞湯海鮮蝦粉麵🦐🍜，蝦肉偏爽口唔梅，對比前兩者比較清淡，唔想全餐都重味嘅朋友可以跟我哋揀雞湯。另外都有喇沙湯底俾大家選擇🤤- 藥膳浸菜🥗，平衡返前面食咗幾款肉，蔬菜清爽而且同藥膳嘅香味幾夾- 酥炸花枝丸🦑，早晨做邊度朋友食到飽飽地，但呢度餐後小食都幾出色，花枝丸嘅鮮味配搭酸酸辣辣嘅醬，令我哋忍住一啖接一啖咁好快食晒隨餐我哋仲加錢叫咗兩杯嘢飲分別係柑仔話梅水（+HKD10)同埋爽爆檸檬茶（+5HKD)作為收尾。整體嚟講今次嘅用餐體驗非常唔錯，加上餐廳環境好有東南亞特色，好啱鍾意打卡📸嘅朋友👍

✨一入嚟就感受到星馬嘅氣氛，裝修真係好特別，充滿插畫嘅牆壁，特別嘅打卡勝地都搬咗過嚟，喺度食飯更加有氣氛！(〃∀〃)🧡🐷蔥油豬扒太陽蛋飯豬扒超肥美，質地超腍身，充滿美極豉油嘅味道，加上呈橙紅色嘅蛋黃，2隻太陽蛋煎得啱啱好，半熟蛋可以篤爆蛋汁，配合蔥油加豬扒，呢個配搭好難唔好食啩？🤎🔥🥣砂煲肉骨茶-配白飯每次食馬拉菜，我都一定點肉骨茶！用砂煲嚟裝真係好體貼，保暖效果一流，一邊飲湯一邊仲感受到暖笠笠！肉骨茶味道鹹中帶甜，藥材味唔會太重，符合返大部份人嘅口味，勁容易入口，肉骨茶入面仲有其他配菜，例如金菇、豆卜、豬骨都好大嚿，配飯真係一流！另外仲可以加蒜蓉、辣椒或者醬油，不過唔加都好夠味啦！🐔招牌星馬雞-配油飯&椰子雞湯 $63去骨星馬雞嘅雞髀位置都算嫩滑，雞胸位置都未算鞋口，啖啖肉好唔錯，附上三個醬汁，除咗蔥油同埋豉油之外，特製醬汁辣中帶酸幾開胃，整體幾match！🥥椰子雞湯幾清甜，椰子味都幾重，有別於味精湯，都有驚喜！🧋馬來西亞拉茶-凍奶茶一口滑落喉嚨，質地勁香滑，茶奶比例均衡，但茶完全唔會比奶味覆蓋，推薦大家試吓！🍋🫖爽爆檸檬茶-凍檸檬茶茶味香濃而不澀，都唔錯！✨兩個人食咗咁多嘢$200

荃灣有間超好食又抵食的星馬菜餐廳，推薦他們的無骨海南雞飯，搭配肉骨茶只需六十幾蚊，還有飲品。若想嘗試不同口味，可以選擇無骨海南雞飯加海鮮喇沙湯和油菜，價錢約七十幾蚊。他們的蝦多士相當划算，三十幾蚊就能享用，外脆內軟，非常美味。跟餐加的咖哩薄餅只需十幾蚊，性價比高。海南雞的醬料特別好味，雞肉滑嫩，而肉骨茶的味道也讓人想起在馬來西亞的感覺。下次我計劃試試咖哩，因為聽說它的咖哩醬非常好味。不過，茶水就稍微普通，可能因為我不太習慣馬來西亞的拉茶，味道偏淡。總之，這裡的餐點非常值得一試！

這家位於全城匯（如心廣場2期）2樓的星馬餐廳，午市特惠套餐非常抵食，除此，還有很多選擇：午市行政套餐、招牌雞系列、星馬咖喱系列、蔥油系列、辣肉燥系列、星馬濃雞湯粉麵系列、椰香喇沙摻摻系列、砂煲系列等等，總有一款啱心水的，我哋叫了：💐 星馬咖喱香煎豬扒飯星馬咖喱很香辣，好開胃，豬扒就一般，都算大塊！💐招牌星馬雞配油飯及時令雞湯雞湯很多雞油，油飯美味，雞就都係一般般，中上水平啦！餐廳裝修非常懷舊，店員服務就一般，但由於好多選擇及價錢合理，所以會再來幫襯的。