媽咪雞蛋仔 (已搬遷) 新店位置

今日下晝嚟咗黃埔呢頭行街 行到三點三下午茶時間就有啲肚餓喇🤕 為食嘅我突然間好想食雞蛋仔 即刻就記起呢間咁出名嘅舖頭啦🙊之前都食過好多次㗎啦 每次都好多人堆住喺門口 當然今次嚟都唔例外啦😿 雖然真係好多人 但係都無阻我對雞蛋仔嘅熱情❤️ 見到店員密密手做唔停 但係都要等十分鐘左右呀 期待已久 粒粒朱古力雞蛋仔終於到咗我手上啦🤤一食就知水準一啲都冇退步到 依然係外脆內軟😻 朱古力味都幾出 唔會好似有啲舖頭用朱古力粉嚟整 而係真係見到一粒粒嘅朱古力 有雞蛋仔嘅熱力 令啲朱古力融融地 真係非常滿足🐷邊行邊食 都過咗一段時間 雖然雞蛋仔係冇一開始咁熱 但係外層依然咁脆 絕對唔會凍咗就硬晒☺️ 下次下午茶必定首選媽咪雞蛋仔 仲有好多味揀呀