一豊 (已結業)

放假懶出城，再去呢度tea。上一次放平日，呢度啱啱開，試過都覺得可返兜，男朋友怕熱，話再黎一次。今次叫左餃子烏冬同鰻魚炒飯，仲有冇上鏡小食吉列蠔。餃子炸得香口，皮脆，烏冬質感有咬口，湯底唔太鹹，唔錯唔錯。鰻魚炒飯炒得香，又夠大份，食左半已覺好飽。蠔，唔識對佢評價，因我超鍾意食蠔，只識話好食。今次送罐裝烏龍茶，但點解唔入日本嘢係韓文黎。但我同男朋友唔飲凍飲，問可唔可以換唔凍，職員即刻換，超快手，服務態度好好。呢間嘢食唔錯，真係要搵次食夜晚先。