粵翠苑酒家

營業中

休息中

去完會展過嚟銅鑼灣飲下午茶，專登揀呢間新酒樓試吓。屋企人先到行樓梯上到嚟都坐咗一半客。下午茶旺區唔包突然間有少少保留。落單冇金沙骨又冇貴刁，兩點下午茶但兩超半咩到無。個心又沉一沉，唔知會唔會中伏。等左唔使十分鐘就開始上食物。先上咗個乳鴿同埋個鹹水角個乳鴿好搞笑個頭頂仲有少少鴿毛，好似堆頭髮咁。先試咗個鹹水角，熱辣辣，裏面啲餡個味教得幾濃，有少少五香粉嘅味道。個乳鴿醃得唔會太鹹，但係就啲肉就唔算好嫩，不過都有肉汁。個尖椒就嫌佢炸得乾得滯，不過比較驚喜就係個蝦肉銀絲餅，係用啲白蘿蔔絲撈埋啲蝦肉嚟炸有少少蝦多士feel，但係食完一啲都冇油膩感。個菜苗餃同埋個鵪鶉燒賣都好多蝦肉，最緊要係啲點心夠熱。另外個韭菜餃雖然個餡料唔算多，但係個皮炸得好脆個感覺好似食緊煎釀三寶啲炸雲吞咁，咬落去卜卜聲超過癮。金錢肚同埋鳳爪就唔算好入味，不過金錢肚裏面啲白蘿蔔就幾腍又冇渣。牛肉比較腍身少少。我覺得最驚喜係個沙嗲牛肉炒麵，個牛肉係滑牛唔會乾爭爭，亦唔會嗱得太犀利。個麵炸到超乾身，碟係冇油嘅處理得好好。同埋佢啲彩椒之外仲有啲菠蘿粒，都幾醒胃。另外嗰芝麻卷都係啱啱蒸起，芝麻味都幾濃郁。同埋啲普洱冇怪味，呢啲觀音幾