明新鐵板咖哩皇

營業中

休息中

復活節假期加班之後，返到大埔已經要食下午茶☕️茶餐價錢都唔貴，質素OK，清潔就一般啦。炸雞皮好吸引🤩配搭西多士更加係Perfect。初時以為西多士得半件，點知最後都有一個正方形，值得讚一下！傳統茶餐廳滋味，最緊要係有花生醬，同埋有一支糖漿任你用。生炸雞髀勁香，被炸得好脆，雞肉調味很好，我鍾意重口味，佢鹹鹹地的確好食。乾炒牛河就唔OK，牛肉鞋就一定㗎啦！最緊要係啲牛肉凍嘅，河粉熱嘅，咁即係點解呢辣椒醬，配搭乾炒牛河，最好味😋熱奶茶，還可以，唔夠滑，多奶好飲啲。