翠河餐廳 (已結業)

每逢周末，都有同屋企人出去食個下午茶既習慣，雖然好多地方都有，不過我其實無認真試過，所以今次就同屋企人一齊去左食。呢間翠河環境幾好，地方夠大夠寬敞，冷氣都夠，坐得好舒服。瑞士汁雞翼配豬排包：首先講下雞翼先，個瑞士汁甜甜地咁好好食，而且都幾多肉，食完兩隻真係覺得唔係幾夠啊！跟住到豬排包，整體上唔錯，豬排都算係厚，但係又唔會好硬好難咬，加上底面兩塊包都幾脆，一咬落去啲豬排好多肉汁，我最鐘意既係黎到個陣仲好熱出緊煙，未試過既都可以食下呢個。跟住講下五香肉丁公仔麵配脆脆豬，五香肉丁普通啦，無咩特別，但係個麵黎到個陣已經漲晒，而且好淋，個湯睇落好似幾辣咁，但係其實無辣味。雖然都唔預會特別好食，不過真係有啲失望。脆脆豬上面既煉奶唔夠多，所以唔夠甜。個包唔同部分既脆度好唔同，側邊都叫幾脆，但係到中間個到就好淋，要好大力咁咬先食到，不過都唔係真係好差，甜番少少會好啲！