茶木‧台式休閒餐廳 (黃埔天地)

營業中

休息中

即興相約妹妹喺佢屋企附近下午茶， 因為星期六週圍都比較多人，知道茶木冇限時，所以我哋揀咗黃埔天地分店。 我就叫至愛嘅佛手菓茶，妹妹話想試下脆脆黑糖珍珠奶茶， 因為之前我都試過幾次，但不是次次飲到，因為好快售罄。 杯邊嘅 黑糖脆脆真係好好味。 但係今次佢呢間分店嘅脆脆黑糖奶茶，令到我妹妹極致失望。 送上飲品上嚟嘅時候，完全係同我平時飲嘅係兩回事，我問職員點解側邊冇曬啲脆脆，反而係杯入面？佢話因為嗰隻杯冇貨？ 我即時同職員反映，咩原因都好，係咪應該先同顧客講清楚先，等個決定權畀返顧客，係咪仲繼續order？! 我不明什麼叫做嗰隻杯冇貨？我覺得脆脆喺個杯入面令到個哟脆脆已經淋曬，根本完全係兩回事。 我用46蚊去買一杯咁嘅飲品？ 因為妹妹怕尷尬，始終佢都係成日喺嗰度食嘢，所以就沒有同職員投訴。 我希望貴公司係考慮到客人畀錢購買你哋嘅商品 係抱住期望嘅心態，唔好求其畀啲嘢佢就算。