坡椰坡囉咪

營業中

休息中

娘惹喇沙（$52）麵底三選一，要咗掺摻；肉類三選一，要咗厚切豬扒。喇沙湯底唔辣，唔算好濃厚，偏向椰香味；摻摻份量足，油麵同米粉都正常，唔會太淋；厚切豬扒有驚喜，真厚切，一大塊斬開有七件，面層煎得香口，但食落唔乾，而且腍得嚟有咬口，唔錯；配菜有芽菜、豆卜、魚片、雞蛋，份量十足。焗迷你咖喱農夫包（$48）咖喱二選一，選了小印度蕃茄咖喱；肉類四選一，當然係至愛嘅牛脷啦。咖喱汁微辣帶茄酸味，味道都算濃厚；農夫包焗得夠脆，點咖喱無得輸，但略嫌咖喱汁唔夠多，唔夠點哂成個農夫包；牛脷兩片，煮得夠哂腍。凍美祿恐龍（+$15）大大杯加大大堆美祿粉，仲有幾粒棉花糖仔。下午茶嚟講，食品質素唔錯，都算幾抵食。PS：全日免收加一服務費。