馬六

營業中

休息中

炮台山地鐵站附近有很多餐廳，同朋友都未食晏晝飯，想食一個豐富啲嘅下午茶，行吓見到呢間馬六都好多人幫襯，而且見到餐牌價錢唔貴，幾吸引。我自己揀咗個包東牛肉飯，因為俾佢綠色嘅椰漿飯吸引咗，覺得好靚。佢嘅綠色係因為班蘭葉嘅關係，除了牛肉仲有半隻雞蛋， 配上銀魚仔和花生，幾惹味。朋友嘅海南雞飯都唔錯，去骨海南雞食落比較方便。除咗雞油飯另外仲有一碗紫菜湯。我要咗白咖啡走甜，朋友要咗芒果冰，芒果冰跟餐只需要加$8，好抵。佢嘅熱飲預設係已經落咗糖，所以如果想少甜或者無糖，記得落單嘅時候同店員講清楚。