影片
更多
2011-04-18
98 瀏覽
因為調假的關係. 星期一有一天的假期. 令到清明節假期可以連續的休息三天. 不過, 早上還是被公司安排了一個小任務. 走左出中環處理. 下午回到九龍. 原意是為了幫BB辦證. 可是我們沒有事先預約. 下午去到, 派哂籌了, 碰了一個釘.辦唔到證, 野又未食. 想找一間齋鋪又好似要行好遠. 臨時臨急的, 就近近地找家坐得舒適的酒樓, 而且又過了兩點半. 我們3大1細, 嘆返個下午茶.太太及外母大人, 均是素食者, 當然要為她們安排精美素點, 而花園酒家確實令她們開心. 除簡單的奶皇包外, 仲有素腐皮卷, 同一個竹笙羅漢齋炒麵. 我就要了兩個係市區酒樓少見的點心. 豬膶腸同鵪鶉蛋燒賣.先說葷食. 豬膶腸, 係酒樓既點心牌當中, 的確是一個極少見的點心. 因為豬膶易熟, 熟過頭會變得粉粉的, 好難食. 所以豬膶腸的製作, 一定要即拉即上. 才能夠保持到豬膶的滑溜同鮮味. 酒樓, 大堆頭的製作, 是很難有即拉腸粉的. 做得出好味的豬膶腸, 是證明了此酒樓的廚房有一個對腸粉的執著, 即拉, 即上, 所以, 我的腸粉是最先到的點心. 腸粉皮薄, 煌韌又滑溜, 豬膶熟得剛剛好, 而且又大大片, 香口
辦唔到證, 野又未食. 想找一間齋鋪又好似要行好遠. 臨時臨急的, 就近近地找家坐得舒適的酒樓, 而且又過了兩點半. 我們3大1細, 嘆返個下午茶.
太太及外母大人, 均是素食者, 當然要為她們安排精美素點, 而花園酒家確實令她們開心. 除簡單的奶皇包外, 仲有素腐皮卷, 同一個竹笙羅漢齋炒麵. 我就要了兩個係市區酒樓少見的點心. 豬膶腸同鵪鶉蛋燒賣.
先說葷食. 豬膶腸, 係酒樓既點心牌當中, 的確是一個極少見的點心. 因為豬膶易熟, 熟過頭會變得粉粉的, 好難食. 所以豬膶腸的製作, 一定要即拉即上. 才能夠保持到豬膶的滑溜同鮮味. 酒樓, 大堆頭的製作, 是很難有即拉腸粉的. 做得出好味的豬膶腸, 是證明了此酒樓的廚房有一個對腸粉的執著, 即拉, 即上, 所以, 我的腸粉是最先到的點心. 腸粉皮薄, 煌韌又滑溜, 豬膶熟得剛剛好, 而且又大大片, 香口爽滑. 好味過好多大排檔, 粥品店.
鵪鶉蛋燒賣, 新界區的酒樓, 經常見到呢一味點心. 但係市區, 呢一個咁傳統的點心就比較少見. 前陣子在貴網看見有人問市區有邊一間酒樓有鵪鶉蛋燒賣食, 我而家可以說, 油麻地的花園酒家有. 這春蛋燒賣, 味道鮮, 鵪鶉蛋黃大白薄, 下面的肉就鮮甜不肥膩, 製作得非常之傳統. 不過, 這東東, 膽固醇極高, 不建議常食.
有時候, 不得不增肥, 太太及外母大人, 食量比較細, 一籠三隻的點心, 老是要我分享多一隻. 不過, 因為不想太飽的關係. 那素腐皮卷就婉拒了. 我只食了奶皇包, 而這是流沙餡的, 有一定的咸蛋味, 有一定的甜味. 質素都算幾高.
竹笙羅漢齋炒麵, 味道清淡的素炒麵, 炒得非常之好. 不過個汁就看來"杰"左少少. 而且說有竹笙, 就完全吃不到竹笙. 叫他們走蔥蒜, 他們就走了青. 變成了什菌炒麵. 好食就好食, 但就有少少覺得佢地聽錯指示, 貨不對版.
豐富的一個下午茶, 但一埋單, 要收我$138. 這下午茶的好似貴了少少. 我們三人飲食談笑中, 外母大人說, 原來當年外父外母的婚宴, 就在這一家酒樓舉行.
張貼
