星宇麵館 (已結業)

今日來到哩個商場搵野食, 周圍行發覺哩到都好多食店,有上海,日本, 西式, 茶樓, 小廚,快餐,韓式... , 真係唔知食咩好, 最後選擇左上海菜.入到去唔需要等位, 坐底望下餐牌, 見到有下午茶餐, 叫左個蔥油撈麵配2隻煎餃, 再配埋一罐氣水, 再加多一隻蛋. 食物上枱 ~ 賣相普通, 食一啖味道好好, 好香蔥油味, 麵既質地幾彈, 唔係一早煮好或者煮過熟, 再食啖餃子, 幾香, 餃子皮唔算太厚,不過味道普通. 總括食物質素唔錯, 不過賣相可改進!