譽居

營業中

休息中

同屋企人2點幾去青衣城改褲，話4點先拎得，家姐話餓餓地，跟住就去左譽居High個tea先。下午茶食過下口癮就唔叫咁多，四個大人一個小朋友嗌左個蟹粥，細蓉，蝦子麵同個手撕雞冷盤Only 細蓉我無食到，但見到每粒雲吞似乎包左都兩隻蝦，湯底清清地幾好飲。蝦子撈麵$22呢個做緊優惠，所以咁平。幼麵滾熟之後再係上面灑上幼細既蝦子粉同蔥花，再跟一碗清湯。簡單平淡，但都有其魅力之處。涼拌手撕雞同想像中有出入，呢款手撕雞落左西芹､白芝麻，味道偏甜，唔開胃，食左一兩條就唔想食。蟹粥全場焦點，上次食果陣賣晒有少少可惜，今次終於食到。落足成隻蟹去煲，隻蟹仲要有蟹糕，超正，粥夠細綿，夠入味，難怪成日比人買晒