Be Leaf (已結業)

今日晏晝放假，於是嚟咗觀塘諗住chill一chill。之前已經行過呢一間餐廳好多次，每次都俾佢嘅裝飾吸引，佢係行簡約木系風格，店入邊枱枱凳凳都係用咗木色，而且有啲小心思，令人坐得好舒服，而且空間都好大，唔會坐得好迫。因為我今日係下午茶時間嚟到，所以就試咗佢哋嘅下午茶set。٩(˃̶͈̀௰˂̶͈́)و香辣蟹肉白酒牛油意大利麵+ 自家製焦糖餅咖啡 $117因為仲未食晏晝，所以就揀咗一個比較飽肚嘅意粉套餐。佢呢一個蟹肉意粉嘅蟹肉份量都唔少，加埋洋蔥、青豆等等嘅配菜，令到成個意粉口感十足，而且味道都好多層次。而佢嘅咖啡方面，首先上面嘅嗰幾舊焦糖餅已經好吸引，而且咖啡都好濃郁，有奶香之餘亦都有咖啡香。香煎牛脷蒜蓉法包+蜜糖洛神花茶 $92另外見到呢一個套餐非常特別，係煎牛脷放喺蒜蓉包上面，呢個配搭好有趣，真係第一次試，而個配搭感覺都唔錯，麵包同牛脷都好夾。而佢嘅牛脷用咗好多蒜蓉去煎，好香口而且唔會過硬，呢一個套餐好有驚喜。而佢嘅洛神花茶就用咗玻璃壺裝起，而佢提供咗細細個嘅玻璃杯仔，打卡好靚，味道上就不過不失，係洛神花茶包加蜜糖，不過個茶包味道都好濃郁。