上勝日本料理 (億利工業中心) (已結業)

同同事放咗工想食少少嘢，就嗌左啲小食兩個坐喺度食咗一陣！見到原來都有唔同嘅丼飯可以選擇！海苔雞軟骨海苔味唔會話好突出，但係佢嘅雞軟骨亦都有少少帶雞肉，口感非常之豐富。燒扇貝（蒜蓉）扇貝非常大隻，蒜蓉味好香，蒜蓉係用炸咗個種，而且睇得出擺盤非常用心！鹽燒雞軟骨串雞軟骨串睇得出應該係人手自己串，味道調校得啱啱好，唔會好鹹。鹽燒雞皮串雞皮串係捲着一條竹籤，食落口好脆口，好似食緊薯片咁。鹽燒牛舌牛舌好厚好入味，就算覺得唔夠味，亦都可以自己加少少鹽同胡椒！巨峰梳打味道比較甜，梳打夠氣！